AMYGDALA MALFUNCTION

HOOK:

di pa ba halata malala na (di pa ba halata?)
ulo ko ay sira na (sira na)

I. (AKT VERSE)

nakakulong sarili, sinilip sa bintana
may sumaksak doon sa kalaro kanina
siya ay nagpakilala taga metro manila
lusaw na kanyang dila sa asidong mahina

tirik na ang mata, puti na lang ang natira
wala na siyang suot damit niya na'y sira sira
sabay kamay panay lapnos sa kaliwa
mga paa'y pantay luhod sablay sa may silya

pero di pa 'to patay makakatakbo pa
enrile ang lagay ng pagkatao niya
halatang malapit na, lalakarin mo na lang
naryan na ang pinto, hahatakin mo na lang

hindi pa 'to umabot siya ay napatae
nang malamang hinablot niya'y isang binabae
gabi ng lagim, maliwanag ang dilim
Sa unang tingin, patay na ang bading

pero mali pagkat siya daw ay tao din
walang tanong mabuti ba na tanungin
walang balak alamin tugon ng patalim
ito na si bading, sinaniban ni taning

sinakal niya si praning sobrang diin
uh uh uh! yan ang sabi ni praning
palitan ng suntok, untog sa salamin
palitang kalabog, bugbog sa may sahig

at sa pagtayo pareho pang nakabalik
sa gitna ng gulo may nagnakaw ng halik
inakala ng lahat pareho lang nag-aadik
parehong pagnanasa, parehong pagkasakim

dagdag kwento na siguro kung meron pang baril
maari kong sabihin meron pang isang taksil
nakabantay biglang umasinta't kumalabit
beng beng ayy! yun ang aking narinig

at pag silip ko ulit meron ng nakatakip
meron ding dumating na mga mandarakip
kinakausap 'tong si chief, sa'kin siya nakatingin
lahat lahat sila sa akin na papalapit

at eto pang si chief biglaang ngumingiti
mukhang what is real ay kanyang ikinubli
ako ay binitbit pwede na ba kong umuwi
pilit pinapaamin di ka pwedeng humindi

subukang tumanggi, buto mo ay bali
biglaang sasabihing ang sakit mong mahalin
april boy pa nga kung di mo kayang tanggapin
namnamin mo ang hapding di mo kayang tanggalin

sa eksena ng krimen ikaw ang salarin
ikaw na nakakita nung sila ay patayin
sa sinabi mong taksil ikaw ang tinakwil
ngayon paano na kung mali na ang saksi!

[repeat hook]

II. (PROLET VERSE)

hiwalay pa ko sa sarili kong katangian
ng tangi tanging mental na aking tinatangan
isalarawan kung malalaman lang nilang
mabababa lamang ba ang mga paratang
ng sarili para masisi sa mga di makaintindi
anong kinalaman ng kanilang nalalaman
sa aking nalalaman na sarili lang ang kinakalaban
isalarawan na gumagaya lang itong tingin sa sarili ay iba
mas lumalaya lang itong tingin sa sarili ay isa
hindi pa ba nakikita na sa mga mata na nag-iisa
na nakakasama ka sa mga nawawala
sa pag-iisip na magulo, nalito
napagtanto na hindi ganito ang matino
pero di tayo nalalayo kaya sino ka at sino 'to
tinanong sa sarili ko, bisyo ko ang imahinaryo
konteksto ang ehemplo ng peligro at milagro na naglalaro sa'king ulo
maging bisita ka aking luho, may nilalaan pa ko ditong natitirang pwesto